ನೀರ ಮೇಲಣ..

ಜೀವನವೇ ಇಷ್ಟು.. ನಶ್ವರ.

ಈ ಚಿತ್ರ ನಮ್ಮ ನೆರೆ ಮನೆಯದ್ದು.. ಅಲ್ಲ ಮನೆ ಇದ್ದ ಜಾಗದ್ದು.

ಒಳ್ಳೆ ಬೆಲೆ ಸಿಕ್ಕಿತೆಂದು ಜಮೀನು ಮನೆ ಮಾರಿ ಅಲ್ಲಿದ್ದ ತುಂಬು ಕುಟುಂಬ ಬಂದ ಹಣ ಪಾಲು ಮಾಡಿ ಬೇರೆಯಾಯಿತು. ಮನೆ ಹಂಚು ತೆಗೆದ ಕಾರಣ ಕಳೆದ ಮಳೆಗಾಲಕ್ಕೆ ಗೊಡೆಗಳು ಕುಸಿದಿವೆ. ಈ ಮಳೆಗಾಲಕ್ಕೆ ಇದು ಮಣ್ಣಲ್ಲಿ ಮಣ್ಣಾಗೊ ಮೊದಲು ನೆನಪಿಗಿರಲೆಂದು ಈ ಫೊಟೊ ಕ್ಲಿಕ್ಕಿಸಿದೆ.

ದಿನವಿಡಿ ಕಿರುಚುತ್ತ ಮಕ್ಕಳು ಕೇಕೆ ಹಾಕುತ್ತಿದ್ದ ಇದರ ಅಂಗಳದಲ್ಲೀಗ ಬರೀ ಗಿಡ ಗಂಟಿ ಪಾಚಿ.

ಯಾವುದು ಶಾಶ್ವತವಲ್ಲ.. ಆದರೂ ಸುಮಾರು 70 ವರ್ಷ ಒಂದು ಕುಟುಂಬ ಬಾಳಿ ಬದುಕಿದ ಮನೆಯ ಈ ಸ್ಥಿತಿ ನೊಡುವಾಗ ಮನಸಿಗೆಕೊ ಕಸಿವಿಸಿ.

ದಾಸರು ಹೇಳಿದಂತೆ.. ನೀರ ಮೇಲಣ ಗುಳ್ಳೆ ನಿಜವಲ್ಲ ಹರಿಯೆ.. ಅಲ್ಲವೆ?

-ಶ್ರವಣ